Rehabilitación de vivenda no centro histórico de Chantada (provincia de Lugo).
En pleno centro da vila de Chantada, xusto enfronte da histórica igrexa da Santa Mariña, e franqueada por dúas prazas, atópase esta pequena edificación de vivenda, de reducida altura, pouca superficie e limitados ocos exteriores (moi expostos á circulación peonil).
Nunha filosofía que pode calificarse de "Arquitectura oculta" plantexouse unha rehabilitación que resulta moi pouco evidente no exterior, de xeito que apenas hai intervención na volumetría existente ó conservarse as fachadas e disposición de carpinterías, sen máis actuación que a limpeza, acondicionamento e renovación; mentres que no interior desenrólase unha actuación profunda de renovación buscando darlle luminosidade e amplitude ós espazos da vivenda.
A fin de poder ter a necesaria intimidade no interior desta vivenda situada nun entorno de centro urbano entre prazas peonís, e para evitar as indiscretas olladas dos curiosos; afrontouse o problema por unha dobre vía, mantendo os ocos existentes, pero limitando as vistas dende o exterior ca colocación de vidros brancos en cociña e comedor; e ó mesmo tempo, e dada a escaseza de ocos da edificación orixinal, que xeneraba un interior sombrío; para ter un interior luminoso no que a luz natural lle dese vida á vivenda, disponse dun amplo lucernario en cuberta que permite a iluminación natural de gran parte da vivenda ó formar unha sorte de patio-xardín interior.
Ademáis do patio de entrada, no baixo da vivenda distribúese unha cociña-comedor, sala técnica, aseo e un amplo salón; a través da escaleira aberta ó patio accedese ó andar superior no que hai dúas amplas habitacións (ambas de dobre altura e con espazo de estudo baixo cuberta), o baño xeral e locais de lavadoiro, tendal e rocho de almacenaxe.
Cabe destacar como o patio interior achega luz natural a unha das habitacións que ten unha parede de vidro a el, ó estudio sobre esa habitación, ó salón do baixo, a escaleira, o corredor do primeiro andar e á entrada á vivenda; dotando a todos eses espazos dunha agradable iluminación natural sen perder nin un chisco de intimidade.
No exterior, límpianse as fachadas da vivenda e cambiaselle a cuberta en mal estado por unha nova sobre estrutura de madeira.