Hotel de tres estrelas xunto ó Camiño Francés a Santiago, na vila de Portomarín. Hotel Star Portomarín
Nun predio de forte inclinación e magníficas vistas sobre o río Miño e a entrada do Camiño Francés na vila de Portomarín; dominando a paisaxe e aproveitando a orientación proxectouse e construiuse este Hotel *** procurando que tódalas habitacións gozasen de vistas ó río e a paisaxe, además de ter un especial nivel de comodidade.
O Hotel distribúese en varios volumes e niveis adaptados á topografía e permitindo que dende o Camiño de Santiago se poida observar a paisaxe por riba do propio Hotel, que permite gozar de diversas perspectivas e do soleamento todo o día.
Tódolos dormitorios gozan de vistas ó río, o val e os xardíns do Hotel, ademais de dispor de diversas configuracións e servizos adicionais, existindo habitacións individuais, dobres,triples, un apartamento; con terrazas, hidromasaxe, etc. e na propia parcela espazos porticados, varios xardíns, unha recepción ampla e luminosa, zonas de esparexemento, etc. todas accesibles e cómodas.
Así mesmo o Hotel proxectouse dende o primeiro intre tendo en consideración a súa óptima integración no contorno, unha alta eficiencia enerxética, gran illamento térmico e acústico, doado mantemento e mínima necesidade de persoal.
